Depi premye lekti yon bon lektè ta fè sou tèks Volcy yo, l ap remake powèt la jwe anpil sou polisemi (plizyè sans mo ka genyen). Anplistou, li maton anpil nan jan l ap plase mo yo youn nan vwazinay lòt. Sa ki vin bay posiblite pou sans mo yo dedouble, eklate, epi kreye yon sans tou nèf chak fwa lektè a refize li powèm lan tankou yon liy dwat. “Son je”se tit yon powèm ki soti nan rekèy Ma drapo Souvnans. Tit sa a jwe sou polisemi. Sou plan semantik, nou ka konprann se sonje powèt la ap mande destinatè a pou l sonje yon bagay.