Jou ki premye Desanm 2019
NÒT POU LAPRÈS
Ansanm anplwaye Enstiti ayisyen statistik ak enfòmatik (IHSI) salye laprès pale, ekri ak an liy e pwofite okazyon pou denonse yon fwa ankò konpòtman ak ajisman mesye Wilson Fièvre, direktè jeneral konteste nan tèt enstiti a ki deside bridsoukou antame yon pwosesis pou demantibile biwo a jan li te fè sa lè li te direktè jeneral nan ONI. An katimini, mesye Fièvre deside gaye chak direksyon ak sèvis ki nan enstiti a nan yon ti chanm nan chak komin nan zòn metropolitèn lan.