Gid Fizik Inisyativ MIT-Ayiti : yon bèl zouti pou ansèyman syans an kreyòl

Se tout Ayisyen ann Ayiti ki pale kreyòl. Pou 95% popilasyon an, se sèl kreyòl la ki rele yo chè mèt chè mètrès kòm se sèl lang sa a ke yo pale lakay yo. Epi se 5% sèlman ki alèz nan pale e konprann fransè. Malgre sa, pifò dokiman ofisyèl, pifò liv nan tout kategori, pifò manyèl edikatif, ki donk liv ke lekòl itilize pou ansenye elèv ak etidyan, ekri an fransè. Kon sa, pifò timoun ann Ayiti se avèk liv ki ekri an fransè yo aprann premye nosyon sou lasyans, tankou matematik, fizik, chimi, biyoloji, e latr